مراحب ،، هالموضوع كان المفروض يكتب امس بس لاني كنت احتفل مع حبيبتي مامداني اكتبه :D ، ماعلينا وش هالي يحتفل مع حبيبته وين حنا عايشين فيه !! او كما في رواية القصيم ( وين حنا عايشينن بوه ) او كما يقولون عيال الرياض ( وين إنا فيه ) :D هههههه درس لغويات ذا موب موضوع .
الحاصل اني كنت احتفل مع قناتي الغالية MBC وهي حبيبتي لايروح بالكم بعيد ياجماعة الخير ، قناتي الي عشت معها 10 سنوات ، ايامها كنت اتذكر كنا من آوائل من حط الساتالايت في بيتهم وموزينه عن الناس لايقولون مركبين دش في بيتهم الكفار :D ، وكان يُقال انه في الرياض كانت الهيئة تطلق النار على الدشوش ويلحقون الي يجيب دش ، ماعلينا ، مواضيع قديمه مايحتاج نحفر في القبور ههههههه الله يعفو عنا وعنكم .
اتذكر اول مسلسل افلام كارتون شفته وتابعته عليها ، كان اسمه ( النسر الذهبي ) ياااااااااااه ياحبي لك امبي سي ، كبرت وكبرت معها وكنت افتخر بأنها قناة تمثل السعوديين بغض النظر عن الطاقم الي فيها لكن كان فعلاً تحس ان فيها انتماء ووطنية للسعودية وللامه العربية كعموم.
كنت بكتب كلام كثير عن قناتي وقناتك وقناة كل الي يحبونها MBC وقنواتها الرائعه : العربية - mbc2 الي كلها دعايات :D - mbc3 للاطفال - mbc4 متخصصه في المسلسلات والبرامج الحوارية الامريكية .
عتبي على القناة هو انها تحاول تاخذ من مصدر واحد فقط ، الي هو الافلام والمسلسلات الامريكية ، اما لو يكون فيه قناة متخصصه للافلام العالميه والمسلسلات العالمية وتترجم وتاخذ حق ترجمتها mbc ! تطلع كذا :D
حتى ذلك الحين سأضل افتخر بهذه القناة واضعها في أول القوائم هي والعربية ، وهذا رأيي لحد يقول لي ان العربية هي العبريه ! رجاءً :)