فاصل : حرباز يقتطع الـ برب حقته الشهرين لبعض الاخبار الهامة في معرض جايتكس 2007
ادري اني مبدع في اختيار العناوين :D شكراً شكراً ههههههه ، اليوم انشر لكم صور لقبل افتتاح معرض الرياض بثلاث ساعات والله يعين الي يشتغلون فيه شلون بيعبون المعرض بس في ثلاث ساعات !!
طبعاً وبكل أسف اقولها المعرض مخيب للأمال ، والي مفكر انه بيكون احسن من السنة الي فاتت اقول له تراه اسوأ بكثير من السنة الي قبل ، وكل سنة المعرض للاسف يصير من أسوأ لأسوأ .
الشركات الي راح تكون عارضة هالسنة : 0 شركات تقنية معلومات متوقعه ! من الشركات العالمية : Sharp ، سامسونج ، توشيبا . شركات عربية : مكتبة جرير ! شركة الإتصالات السعودية ، برافو ، موبايلي (هالثلاث شركات تقول كنهن ضرات مايجي معرض الا ويتميلحون فيه ويتنافسون ) ، شركات الآي اس بي مزودين الخدمة مثل أول نت ، وجيل مدري زجول ، شركات معدات تصوير : سمير للتصوير و الهوشان ، شركة iCom حقت الكنود !
الزبدة ان المعرض مال امينه داعي ، ولافيه اي شي يستاهل الجية ( بالنسبة للمهتمين بتقنية المعلومات ) الي في باله يناظر عروض الاب توبات او تخفيضات اشتراكات او بيشتري سيدي حق قرآن او مترجم او موسوعه الألباني ولا سيديات بـ 10 ريال ، بينبسط :)
بالمناسبة :**قناة التقنية العربية **راح يكون لهم تغطية يومية بالفيديو للمعرض الله يعينا مافيه شي نتكلم عنه ولا نغطيه من بياخته ! ، وراح اكون متواجد هناك في المعرض الي يحب يشرفنا في جناح رقم ( الصالة :D ) .
اترككم مع الصور:
تواجد شركة شارب يمكن يكون هو افضل شي في المعرض ، خصوصاً بطرحهم للجيل الثامن من شاشات الـ LCD واستعراضهم لأكبر شاشة LCD في العالم محرك بحث ( عربي ) تواجد هالمره بمنصة كاملة وشكلهم مستمرين الشباب بالفكرة الله يقويهم منصة شركة الإتصالات السعودية ، والاستعراضات الموجودة حتى الوقت الحالي وفهمتها من الشباب هونيك ، راح تكون اهم شي المنزل الذكي مدري المنزل الالكتروني قصدي منزل المستقبل ! وناديك يناديك ، والجيل الثالث . ونصبة آفاق DSL وياقلب لاتحزن سيارة موبايلي ، ما ادري عنهم ناوين يتسابقون هالسنة ولا حاطين مسبح ! ولا وش السالفة :D مؤسسة النقد العربي السعودي تواجدهم كويس ، واعتقد انهم بيستعرضون التجربة السعودية في المحافظ الالكترونية ونظام تداول والتعاملات الالكترونية ككل . which is good in a sens مكتبة جرير ،، ليست مجرد مكتبة ، بل عكوز بكوز في كل معرض مركوز :D نسخة مع التحية لأبوزهرة ;)
هذي بس مصورها عشان تضحكون شوي بعد ضيقة الصدر الي في الموضوع :) < - يابعد قلبي ياحربوز يامراعي مشاعر القراء الأعزاء :D يمكنك مشاهدة باقي الصور في الرابط